„Прошлость, народопис и історія медицины пуд єднов стріхов” – Звідомліня из закрока
- Váci Ruszin Önkormányzat
- 24 дек. 2025 г.
- 2 мин. чтения
6-го децембра 2025 рока Русинськоє Націоналноє Самосправованя Ваца у сполупрацї из Културным центером им. Мадача Імре зорґанізовала културноє пополуднє пуд назвов „Прошлость, народопис и історія медицины пуд єднов стріхов”, котроє пруйшло при великуй заятости публікы, у теплуй и обсяговуй атмосферї.
Гостями закрока были д-р Ботлік Йожеф, історик, писатель, універзітетськый професор, та д-р Котюк Ержийбет, історик медицины, етноґрафка і народознавец. У своих передношенях они представили історію Пудкарпатя, єго културну дїдузнину и людськы долї, споювучы научну прецізность из особным и доступным способом поданя.
Д-р Ботлік Йожеф у своюв бисідї говорив про ключовых процесах історіи Пудкарпатя XX сторочя и про премісы свойых научных изглядовань. Як вӱн надголосив:
„Історія Пудкарпатя не є лем послїдовность полїтичных досудкӱв, айбо и людські долї, родиннї історіи та особнї истрати.”
Його слова указали на вто, ош минулость сёго реґіона мож розуміти правдиво лем товды, кидь до великых історичных подїй додаме и скушеностї простых людий.
Д-р Котюк Ержийбет у свому передношеню представила унікатноє исплетеня етноґрафіи и історіи медицины. Як она уповіла:
„Народноє лїчительство ся заключало не лем у цїленю хворот, айбо и у общиннуй мудрости, вірі и сполных старанях.”
Єї изглядованя досвідчвують, ош традіційны практикы лїченя суть важным одбитком того, як ся громада становила ид людьскому тїлу, хворотам и крехкости жывота.
Торжество отворыла Андрея Ілько, голова Русинського Націоналного Самосправованя Ваца. У своюй поздравнуй бесїді она пудчеркнула:
„Як русинська сполность мы не лем сокотиме свою минулость, айбо і тоты людські історіи, котрі нас споёвуть из Пудкарпатям – ож бы и товды, кидь жыєме уж далше од рудного края.”
Єї слова надголосили важность колективной памняти, ідентичности и передаваня цїнности.
Атмосферу закрока доповнив музикалный принос зонґорішти-віртуоза Шандора Фаркаша, котрый своим выступом придав торжеству призначный, емоціоналный рамец.
Проґраму доповнили відео-презентаціи и волна бисїда, пуд час котруй участники мали можность особно звідати речникув. На містї мож было купити книжкы авторӱв по истуненуй цїнї.
Окремішню подяку высловлюєме штудіи варышського ES TV, котра приладила репортаж из нашого закрока і тым самым дала можность шыршуй публицї ищи раз ся познакомити из културным жытём русинськой сполности.
Дїланка зась потвердила, ош історія Пудкарпатя, русинська култура и людьскы долї і днись мавуть жыву силу, котра єднать сполность и говорит ид сирдцю.
Комментарии